دلوقتي بمناسبة عيد الحرق ... يووووو قصدي الحب وكل دسنة وانتم طيبين ....
اول حاجة عايزين نعرفها ... انت/ي قولت/ي لحبيبك كل سنه وانت طيب ولا نفضت
وكبرت دماغك منه ... ؟؟
انا عن نفسي نفض وكبرت دماغي على الأخر خالص ...
طيب ... اللى قال واللى شاف حبيبه ... ياتري جاب له هدية ... !!؟؟
طيب يا تري جاب لحبيبه إيه .... !! ؟؟
وهل جاب له حاجة قيمة وغالية ... ولا حاجة من ام 2.5 من على عربية الهداية ..؟
وطبعا الهدية ... مش بمبلغها .. لا بالشاريها وقيمتها والكلام الفارغ اللى احنا
عارفينه ..........
نجي بقي للجنس بتاعي جنس الولاد .. اللى هما عايزن الحرق ... ايون يا عم ..
متنحش اوي كده وتبرق في عنيك .. هقولك دلوقتي عايزين الحرق ليه ...
اولا تبقي ماشي مع البت ومعايشها فى الوهم على اساسا انها البت الوحيدة فى
حياتك .. مع العلم .. انت سرماح وكل شوية مع بت .. كاتك نيلا .. فاكرها فتاكة ...
المهم .... تبقي ماشي طبعا وعامل فيا الواد الفت فتوت ايون متمسلش انا حافظ
الأشكال دي كويس ... ويجي بقي عيد الحب يا حبيبي ... طبع انت ياااواد مخلص
فلوسك عليها .... طبعا تقوم البت بكل رقة وطيبة .... وطبعااااااا هبل ....
ايون يا ختي انتي كمان متبرقيش اوي وترفعي حواجبك ... ايون تقومي أخده فلوس
الدرس من بابا . ومتعمليش فيها البت الغلبانة اللى ما بتعملش كده ...
مهو انتي ما بتشتغليش ... هتجيبي منين .. ولا هتقولى لبابا هاتلى فلوس اجيب
هدية للموز بتاعي.!!!!!!؟؟؟
وتجري حضرتيك زي الهبلة ... ولامؤخذة يعني ... تقفي عند بتاع الدباديب ....
وتشتري دبدوب ... وتدفعي فيه حق درسين .. ولا حاجة..او تشتري مديليا فضة
... او بوكية ورد ...المهم بتشتري يا ختي
. وطبعا تخديها وتروحي
تجري وتدهولوه ومنتظرها يكون محضر هديتو ليكي وتفجأي انه جاي ايده فاضية...
تقولى يمكن جايب حاجة قيمة وصغيرة ... على اساس انو واد اهبل وهيجيب
لحضرتك خاتم دهب... تجي تقوليلو كل سنه وانت طيب يا حبيبي ... يقول وهو
عامل فيها عبيط ... هو النهاردة ... عيد ميلادي ...؟
طبعا تستغربي وتفهميه ان النهاردة عيد الحب اللى هو مشاعر وكلام فاضي من ده ....
يقولك والله يا حبيبتي اصل اليومين دول عندي ضغطة شغل جامدة .. جداااا
وهو اصلا مش فاضي غير للفيس توك والخرط ده ....وطبعا يا خد الهدية .. ويقولك
اجمل هدية جاتني في حياتي .... انا هاخده في حضني وانا نايم .. علشان ابقي
فاكرك على طووول .... وهو اساسا هيخش بتهم هيرمي الهدية جمب اخوتها اللى
هما من بنات تانية غير حضرتك .... وطبعا قال نفس البوقين .. دول ... او يبيعها ... ويدوبك يقلع
الكوتش المعفن بتاعة ويرميه جمب الهداية ... ويتخمد ويبقي مزاج امه عنب ...
وطبعا مبدائة في الحياة ... انا رايق والكل مدايق ....
(ملحوظة انا مش بلبس كوتشيات .. جزم بس ... هههههههههه )
وكل سنة وانتم طيبين ... ويارب الموضوع يعجبكم ...
وطبعا محدش يزعل مني انا بهزر وبضحك في احلى منتدي
ويارت اشوف ردودكم الحلوة
والموضوع ده بتاعي ومش منقوووووول
الابراج
الثلاثاء فبراير 16, 2010 8:20 pm
