السلام عليكم ورحمة الله وبركاته
اول حاجة
انت مثلا مسافرسفر طويل ف اتوبيس يعنى حوالى 8 او 9 ساعات فى الطريق طبعا هيبقى الكل على اخرة
ودى فرصتك يامعلم عشان تزهق فى خلق الله
اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس يقف والناس تنزل
انزل قلب فىالشنط وطلعها برة ووقعها وافردها فى الشارع وتوه الشنط فى بعض بحجة انك بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى الشارع تدور على شنطها
تانى حاجة وانت بتحجز خلى كرسيك جمب الشباك
ادخل انت الاول ومتقعدش فى الكرسى الى انت حاجزة لا اقعد فى الى جمبة طبعا الراجل الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل يقعد فية جرىخلية يقعد سيبة متكلموش
سيبة ساعة واتنين لحد مايكيف على المكان ويسلام لو كان نام وفى عز نومة ازغدة فى قلبة وقولة دا مكانى ياعم اله ايه الارف ده
هيزعق ويقول انا قعدت فية الاول طلع التذكرة وحطها فى عينة او اندهلوا السواق او وقف الاتوبيس واعمل خناقة لحد ماتقعد مكانك(كده يبقي اشطه عليك(
تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى خلقتك خليك مبتسم دايما ومبسوط فى وشة عشان يتغاظ اكتر واديلة رست شوية
ادير على الى قدامك شوية افرد رجلك من تحت الكرسى وخبط فى رجلية كل شوية وان اتكلم قولة اعملك اية رجلى طويلة ابقى احجزلك كرسيين ورا بعض ويسلام لو حاطط اكل تحت الكرسى اخبطة ووقعة فى الارض
وكدة يبقى خلصت على الى قدامك ارجع للى جمبك تانى
اول مينام ويريح نفسة صحية وقولة عدينى اروح الحمام لو سمحت هيقوم متغاظ طبعا وانت بتعدى حط ايدك على وشة
دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فية ضحية تالتة
قولة سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش غير حمام واحد
واما تخرج لو لاقيتة لسة مستنى قولة على فكرة المية قطعة وسيبة وامشى
كدة يبق انت كفرت كل الى فى الاتوبيس تقولى ياابنى انت مزهقتش غير تلاتة هقولك لا
بطريقة الشنط زهقت شوية وانت فى الحمام الراجل الى برة دة مش هيبطل يعطر الاتوبيس بروائحة المكمونة داخلة على ما سعادتك تخرج
واتمنى ليكم رحلة خنيقة هههههههههههههههههههههه دى اول مرحلة فى الاتوبيس
تانى حاجة فى الحياة العملية اللولبية الغربيةمنها والمنوفية
ادخل اى محل جزم ويسلام لو كان فية زباين اقعد استنى لحد مازبون يقلع جزمتة عشان يقيس
تقوم سادد منخيرك وتمسك بطنك وتقول اووووووووووووف وتعمل اكنك عايز ترجع وتقول لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى زىالطمطمايةههههههههههه
اديلوووووووووووووووووووووووووووووووووووووووووووووو
تالت حاجة
ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وقه قه اوى ويسلام لو وقعت على الارض من الضحك وبصلة من فوق لتحت خلية يشك انة مسخرة هتلاقية عملها على روحه
رابع حاجة
لو انت ولد
ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول عشان انت جى الاول قولة لاخلص المزمزيل الاول هتقولك شكرا والراجل هيقول اوك اول مايبدا معاها زعق اوى وقولة اية ياعم مش انا جى الاول ولا هيا كوسة ولا عشان بنت يعنى سبحان الله يجدعان نموت نفسينا يعنى عشان رجالة وسيبة وامشى قبل مايكلم ولا كلمة(بس بصراحه دي مش جنتله وفيها ايه لو استنيت البنوته لما تخلص)
خامس حاجة
شوف واحد ماشى فى الشارع وعدى من جمبة وامسك منخيرك وقول يخرب بيت الاكل فى الشارع وبصلة شوية بقرف وامشى فى حالك
سادس حاجة
شوف شلة بنات ماشية فى الشارع وعدى وقول لصحبك ياااااه هوا لسة فية بنات بتحط جاز فى شعرهم(طبعا بعد كده هتتروق منهم بس بالشفا تستاهل عشان اللي بيجي علي البنات مش بيكسب ) هههههههههه
سابع حاجة
وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة طبعا هيتحرجوا يكلموك بس هما اصلا ميتين من الغيظ
ثامن حاجة
لو متغاظ من مشرف فى المنتدى
عاملة كانة بنت يعنى ترد علية كانة بنت مثال شكرا
ليكى
انا بحيكى على الموضوع دة
تحياتى ليكى
وهوا يقولك اناولد متعبروش بس لو اتنرفز ابقى خف لاحسن تتوقف
والطريقة دى تمشى على المشرفات البنات بردة عملوهم كانهم رجالة(بس لو حد عملها فيا مش احسنله)
تاسع حاجة
نصيحة يبنى او يبنتى من اخوكم اوعى فى يوم من الايام تشد السيفون بعد ماتخلص حمامك
فى اى حمام من حمامات الارض فى اى مكان وفى اى زمان
تاكد ان الى هيدخل بعدك هيكره عيشتة ويكره اليوم الى شاف خلقتك فية
)الله يقرفك(
ياشباب دول تسع نصايح ليكو ياريت تقوموا بيهم بجد
انا مش عايز حد يبقى مش مخنوق وزهقان
وخصوصا اننا داخلين على عيد عايز الكل يعيد وهوه مخنوق
اعملوا اى حاجة تزهقوا الناس بيها يعنى لو حد لابس طقم جديد اوى ومبسوط بية
وماشى يتغندر متسيبوش
هات حتة طينة من على الارض او طوبة وافقعة فى ضهرة وسخلة هدومة اعمل اهبل
واشتم فى اى حد وقول يخرب بيوت العيال الصغيرة دى يعنى التخنيق سهل جدابس
لو نخلص احنا بس
يارب اكون رخمت عليكم بقدر المستطاع
وفى انتظار رخامتكم جميعا وربنا يقوينا عل فعل الخير
وكل سنه وانتو طيبين..
تح ـيآإت آخوٍكــم
رٍخ ـم إوٍى
الابراج
الثلاثاء يناير 19, 2010 3:08 am