كفاية بقى

موضوع: كفاية بقى الثلاثاء فبراير 16, 2010 9:58 pm

قال النائب تيمور عبد الغني ان تصريحات احمد عز الذي ادعى فيها أن الشعب المصري يعيش في رفاهية حقيقية هى دليل على الانفصال التام بين قيادات الحزب الوطني ورموزه الذين يعيشون في قصور عاجية .

وتعجب النائب تيمور عبد الغني ،عضو الكتلة البرلمانية للإخوان المسلمين وعضو اللجنة الاقتصادية بمجلس الشعب، من تصريحات عز .
وأكد عبد الغني أن زيادة إعداد السيارات والهواتف المحمولة ليس دليلاً على أن الشعب يعيش في رفاهية، متسائلاً: هل المواطن الذي لا يكفيه راتبه لتوفير مقومات الحياة الأساسية هو من يشتري السيارات؟.

واستنكر عبد الغني إشادة عز بسياسة وزير الاستثمار في بيع الأراضي المملوكة للدولة وشركات قطاع الأعمال، لاستخدام حصيلة البيع في تقديم خدمات، ومرافق للمواطنين، معتبرًا ذلك إشادة بأكبر جريمة ارتكبت في حق الوطن والمواطن.
وكان أحمد عز أمين التنظيم بالحزب الوطني قد صرح خلال الاجتماع مع أمناء الوحدات الحزبية بمدينة طنطا ان الشعب المصرى شهد تطورا ملحوظا فى مجالات الصحة والتعليم والمواصلات، إضافة لوجود زيادة حقيقية فى دخول الأفراد وارتفاع ملحوظ وحقيقى فى زيادة رواتب العاملين الذى يتجاوز 6 ملايين موظف.

أكد ان الشعب المصري يعيش فى رفاهية حقيقية، وان الدليل على تلك الرفاهية هو زيادة أعداد السيارات الفارهة وأجهزة التليفون المحمول بين المواطنين
وضرب مثالا على الرفاهية التى يعيشها الشعب بأنه فى عام 2002 وصل حجم مبيعات السيارات الجديدة إلى 80 ألف سيارة، بينما ارتفع هذا الرقم ليصل إلى 300 ألف سيارة عام 2008، وأن 96% من هذا العدد من متوسطو الدخل.

حلو الكلام ده ها؟؟؟؟

بذمتكم وانا راضي ذمتكم مش نكته !!

مهو اللى ايده فى الجاكوزى مش زيى اللى ايده فى الكوز

ولا ايه؟؟؟؟

احمد عز حبيبنا اللى مهشتكنا ومبشتكنا ومخلى الواحد بيتعب بجد وبيكافح عشان يبقى بتاع مخدرات او تاجر اثار او نصاب او لاعب كورة عشان يعرف يتجوز بيقول ان الشعب كله مترفه وعايش اشطة ... بس !!

بدليل ارتفاع نسبة الموبايلات ونسبة شراء السيارات الحديثة عند المصريين

كلام جميل

ارتفاع نسبة الموبيلات اولا لان الناس زهقت من الشركة المصرية للاتصلات اراهن لو ان كل واحد هيقرى موضوعى ده بيستخدم التليفون العادى دلوقتى زيى زمان ولان الناس فى الموبيل بتتحكم فى مصاريفها انما التليفون تتكلم على عماك وتتسكع فاتورة صح

فليه وجع الدماغ ده ؟!!

على فكره اعرف ناس كتير لغت التليفون الارضى من بيتهم وشغالين على الموبيلات

لو يعرف ليه عندنا موبيلات كتير ياريت يقولى عشان انا معرفش غير السبب ده والسبب التانى تجديد الموبيل للمنظرة وده ماظنش انه بقى منتشر اوى اليومين دول الناس مش لاقية تاكل اساسا قصدى الناس مش فاضية للموضوع ده من كتر الاكل على راى السيد احمد عز

السيارات كترت ليه بقى

لان بمنتهى البساطة

معاك رخصة

معاك بطاقة

بتاخد مرتب

روح لاى بنك حقير قله عايز قرض سيارة هيديك المبلغ اللى انت عايزة تجيب بيه العربية اللى انت عايزها وبسدد براحتى ولو مسددتش هياخدوا العربية وهيحبسونى مش مهم

تعددت الاسباب والموت واحد

الاستاذ المحترم باصص على احصائيات من غير ميشوف اسباب نتايجها

والحمد لله قيادات الحزن الوطنى اصلا كلهم مرتاحين مش محتاجين يبصوا على الناس

الشعب اخباره ايه

اديه احصائية من دول

لا تمام جميل والله

بس شوفوا النصيب

مهو احمد عز ده اصله في شيء لله الراجل يا دوب قال تصريحه بتاع رفاهية المصريين من هنا ويقوم ربك باعتله نتيجة استطلاع دولي بيأكد ان المصريين اكتر شعب في العالم ساخط على اوضاعه المالية .. روح يا شيخ ربنا يديلك على قد نيتك كمان وكمان

اييييييييييييييييييييييييييييييييييييييييييه على راى ابو حفيظة

عندنا فائض فى الميزانية هنوفر ليه فى الانفاق اعيدنا هتبقى يومية والدبدوب هيقول واك واك

كفاية كده

احب فى الاخر اقولكم شعارى الجديد

واللى بحييى بيه الاستاذ المحترم

وياريت كلكم تقولوا ورايا :

"مع احمد عز هناكل وز .. وهنتحزم ونهز هز"

وتحياتى ليكم

موضوع: رد: كفاية بقى الخميس فبراير 18, 2010 5:55 am

مع احمد عز هناكل وز

تســـــــــــــــــــــلم ايدك يا ميدو على الموضوع المتميز والهايل بجد

تقــبل مروري يا جــميل Smile

» كليب روح كفاية جروح