negm-elgeel
عزيزى زائر منتدى نجم الجيل نتمنى لك قضاء اسعد وقت فى المنتدى اذا كنت غير مسجل فنحن نتشرف بأنضمامك الينا واذا كنت عضو فعليك بالدخول


negm-elgeel

لا نقول أننا الافضل ولكن نسعى لتحقيق ذلك
 
الرئيسيةالبوابةاليوميةس .و .جبحـثالتسجيلدخول

شاطر | 
 

 براءه الاطفال

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
اسيره قلبي

avatar

الديانة : مسلم
الدوله : مصر
الجنس : انثى
عدد المساهمات : 65
تاريخ التسجيل : 06/01/2010
المزاج : سكر زياده

مُساهمةموضوع: براءه الاطفال   الثلاثاء مارس 02, 2010 2:22 am

سئلتوه نفسكوه قبل كده ليه كلمه براءه مرتبطه بكلمه طفل؟ يعني ليه ع طول بنقول ديه براءه الاطفال في عنيه . عارفين ليه؟ لاءن الاطفال لسه معرفوش الناس والي جواهم . ولسه مفهموش الناس . بيكونه طيبين وبيتعملوه بكل براءه . وكل ما يكبروه ويعرفوه الناس برائتهم بتقل . طب ليه؟ لاءن الناس بتحولهم من ملاك برئ لبشر . والبشر جواه الخير والشر لكن معظم الناس بتحب تتعامل بالشر او بالخبث والكدب عشان تتعامل مع بقيه الناس وتمشي امورها. او عشان توصل لهدف عيزاه بقينا نتعامل بالشر لدرجه اننا نسينا الخير الي جوانا ونسينا ضميرنا بنخاف نطلع الطيب الي في قلوبنا لحد يفتكرنا سذج او ممكن يضحك عالينا. او يقول عالينا اغبيه . فا معظم الي حوالينا خالاص بقت وحشه من كتر ما خبت الحلو الي فيها ومن قله استعملها ليه . حتي وقت ما بتحتاج تطلع مشاعر من جواها مش بتعرف . لاءن شخصيتها اتكونت ع جمود المشاعر فا بتتجه للنفاق عشان تخبي شخصيتها . عشان الي بيظهر غير الي جواه منافق. واحنا نفسنا لو شوفنا حد بجد جميل ولسه متحولش الخير والطيبه الي جواه مش بيقنا نصدقوه وبنقول ده قناع مش ديه حقيقتوه ومن كتر ما الناس بقت من جواها مش نظيفه. بقينا نخاف نقرب ومش هكدب عاليكوه. انا واحده من الناس بقيت اخاف اقرب او اتعامل مع حد او اديلوه ثقتي عشان كل ما اكلم حد يقولي حاجه واحده (محدش يتئمنلوه في الزمن الي احنا فيه) طب الحل ايه في رئيكوه . نستسلم يعني للاءمر الواقع ونقول الناس هتفضل هيه الناس ومش هتتغير. طب ما نبدء بنفسنا ونحاول نرضي بالي احنا فيه ونشيل الحقد والحسد من قلوبنا ونحي قلبنا من جديد . ومش عيب نتمني نكون احسن ونسعي لذالك بس مش ع حساب غيرنا . ولو كل واحد فعلا عمل كده الخير هيزيد . عارفه هتقولوه ايه؟ هتقولوه وقت ما بنعملهم حلو مش بنلاقي منهم غير الوحش فالازم نعاملهم بمعملتهم. طب ما احنا كده هنتحول زيهم . وبلاش الندم ع اننا عملنا خير في حد وردوه بالوحش . زي ما المثل بيقول (اعمل الخير وارميه في البحر ومش نستناه يرجعلنا) فاءول حاجه نبدء بيها نصفي قلوبنا اول بئول . ولو حد زعلنا نكلموه في وشه . مش نتكلم عليه من وراه ونعرفوه غلطوه .واديلوه فرصه يتكلم وانت تسمعوه . ولو ندم يبقي عرف غلطوه وحس بيه ويستاهل تديلوه فرصه تانيه . اما لو اظهر لا مبالاله يبقي تبعد عنوه بس اهم حاجه ندي مساحه للناس انها تتكلم وتعبر عن رئيها. مش نحط العند في دمغنا ونقول رئينا الصح لا غير . فاوقت ما بتتدي فرصه لنفسك ولغيرك انه يتكلم بتوسع من رحب صدرك. وبتتعلم الصبر . فا انا ع طول بقول وهقول نغير من نفسنا وانا هبتدي بنفسي عشان مكونش منافقه وع طول بسئل الي حواليا انا فيا ايه وحش واحاول ع قد ما اقدر احسنه بس الناس الي بثق فيهم . فا محدش يقبل ع نفسوه انه يكون منافق وع طول نكون صرحاه واحسن صراحه . الصراحه مع نفسنا يعني مش نضحك عي نفسنا ونقول ده احنا شخصيتنا كامله لاءنه محدش كامل الانسان ع طول فيه نواقص ومش نقول شخصيتنا احسن من غيرنا ونعاتب نفسنا عشان نبقي بجد الاحسن . فا منحوليش نضغط ع الي قدمنا وع نفسنا . بس كفايه انوه حس بغلطه واءن الانسان يسامح ديه قوه شخصيه . انا بحاول ع قد ما اقدر ازيدها جوايا . واتمني انتوه كمان ونبقي كبار بالعقل والتفكير ومش نترصد للقدمنا ع غلطه عشان مش نخنق حد مننا . اهم حاجه نعرفها الي بيمتلك قلب صافي بيمتلك الدنيا كلها .
الرجوع الى أعلى الصفحة اذهب الى الأسفل
جنرال الحب
مشرف قسم خواطر وشعر
مشرف قسم خواطر وشعر
avatar

الدوله : مصر
الجنس : ذكر
الابراج الابراج : السرطان
عدد المساهمات : 608
تاريخ التسجيل : 30/12/2009
المزاج : فرحاان

مُساهمةموضوع: رد: براءه الاطفال   الخميس مارس 04, 2010 3:09 pm

شـــكرا للتوبيك والكلمات الجميلة

من تميز لتميز ان شاء الله

________________________________________________
الرجوع الى أعلى الصفحة اذهب الى الأسفل
 
براءه الاطفال
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
negm-elgeel  :: نكت وخواطر وشعر نجم الجيل :: خواطر وشعر-
انتقل الى: