negm-elgeel
عزيزى زائر منتدى نجم الجيل نتمنى لك قضاء اسعد وقت فى المنتدى اذا كنت غير مسجل فنحن نتشرف بأنضمامك الينا واذا كنت عضو فعليك بالدخول

اضحك من قلبك Gfhfghf
negm-elgeel
عزيزى زائر منتدى نجم الجيل نتمنى لك قضاء اسعد وقت فى المنتدى اذا كنت غير مسجل فنحن نتشرف بأنضمامك الينا واذا كنت عضو فعليك بالدخول

اضحك من قلبك Gfhfghf
negm-elgeel
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

negm-elgeel

لا نقول أننا الافضل ولكن نسعى لتحقيق ذلك
 
الرئيسيةالبوابةأحدث الصورالتسجيلدخول

 

 اضحك من قلبك

اذهب الى الأسفل 
2 مشترك
كاتب الموضوعرسالة
RoMa

RoMa


الدوله : مصر
الجنس : ذكر
عدد المساهمات : 12
تاريخ التسجيل : 26/02/2010

اضحك من قلبك Empty
مُساهمةموضوع: اضحك من قلبك   اضحك من قلبك Icon_minitime1الجمعة فبراير 26, 2010 7:20 am

كان في سلحفتين صغيرين كانوا بيحبوا بعض كبروا واتجوزوا وخلفوا سلحوف صغير سموه ابوسريع ,اقترحت ام ابوسريع علي ابو ابوسريع انهم يروحوا يفسحوا الواد في البحر الاحمر جهزوا لوازم الرحلة واستغرقت الرحلة 15سنة ذهاب.. وصلوا علي البحر وفرشوا علشان يأكلوا وفجأة صرخت ام ابوسريع "تصدق يابو ابوسريع نسينا اهم حاجة نسينا الملاحة عشان الاكل .اخطف رجلك وروح البلد هاتها .."صرخ ابو ابوسريع وقال لسه هاروح 15سنة رايح و15 سنة جاي يكون الاكل برد الأحسن نبعت الواد ابوسريع خفيف ولسه صغير.."ونادوا ابوسريع وقالولهه وبعتوه يجيب الملاحة ومرت السنين...حوالى40 سنة وابوسريع مجاش، السلاحف بدأت تقلق فقالت ام ابوسريع احسن ناكل بدل ماالاكل يبرد ولمايجي ابوسريع نعمله اكل ثاني "فجاة خرج ابوسريع من ورا شجرة وقال يعني لو كنت رحت كنتم كلتم من غيري

واحد و هوا بيموت بص لمراتة بصه رومانسيه و قالها لما اترفدت كونتي معايا و لما عييت وقفتي جنبي ولما فلست برضوا كونتي معايا و دلوقتى لسا جنبي مسك ايدها بحنيه و قالها مش عاريف ليه حاسس انك نحس


مرة واحدعندة كتكوت كل ما يحطة فى قفص الفراخ ياكلهم فى قفص القرود ياكلهم فى قفص القطط ياكلهم راح رامية فى الصحرا صعب علية الكتكوت وراح يشوفة بعد 3 ايام لقى الكتكوت مرمى فى الارض والنسور بتحوم حوالية فقالة يا حبيبى انت مت؟
قالة يخرب بيتك بوظت الكمين Very Happy




مرة صرصار دخل المستشفى بيسال الصرصار اللى جنبة بيرسول؟
قالة لا زنوبة



واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت راح للسرير وبدا يعد .. واحد .. اثنين ... ولما وصـل الى ميه وتسعة وتسعين ... جـاه النوم … قـام غـسـل وشه ورجــع للـسـريـر يـكـمـل الـعـد



مره واحد بلديتنا راكب اتوبيس شاف واحده شاورلها شورتله غمزلها غمزتلو قلها انزلي المحطه اللي جايه نزلت قعد مكانها






واحد راكب عربية هو مراته وسايق على 180، عربية البوليس وقفته ونزل الظابط يكلمه.
الرجل: ايه المشكلة؟
الظابط: انت كنت سايق على 180 والسرعة المسموحة هنا 60 بس.
الرجل:لا معلش انا كنت معدي الـ 60 بشوية
مراته: لاانت كنت ماشي على الاقل على 200.
الرجل بص لمراته بحقد
الظابط: كمان الفانوس اللى ورا مكسور.
الرجل: مكسور! والله ما شفته
مراته: حرام عليك .. انت كنت عارف انه مكسور من كتم اسبوع.
الرجل بص لمراته بحقد
الظابط: كمان مكنتش رابط حزام الأمان
الرجل: لأ كنت رابطه بس فكيته لما وقفت
مراته: لالال اانت عمرك ما ربطت حزام الامان
الرجل التفت لمراته وزعق فيها: انتي ماتعرفيش تسكتي ابدا؟
الظابط سأل مراته: لو سمحتي يا مدام هو دايما يصرخ كدا؟
مراته: لأ لما بيكون سكران بس!



واحد صعيدى نزل الترعة البلهارسيا خرجت تحلل



الصعايدة راحوا للريس وقالولوا يا ريس مش ممكن كدة دايما الصعايدة ملطشة التريقة و النكت لازم تمنع التريقة على الصعايدة عشان اعمل كدة لازم اثبت للكل ان الصعايدة

اذكى ناس ونعمل اختبار قدام الناس كلها ماشى الكلام

يوم الخميس الساعة 10 فى الاستاد و اختار الصعايدة من يمثلهم فى الاختبار

وكان اذكاهم محمدين وفى اليوم المحدد كان السؤال الاول امام 12 الف من الحضور وطبعا كلهم صعايدة يا محمدين 2+3 يبقوا كام؟



هرش محمدين فى راسة وعرق وفكر وقال يبجوا6 غلط يا محمدين
صاح الجمهور فرصة تانية فرصة تانية

حاضر يا محمدين 2+3 يبقوا كام؟

فضل محمدين يفكر ويهرش فى راسة وقال 44 يركبك44 عفريت ان شاء الله صاح الجمهور فرصة تانية فرصة تانية

امرى لله يا محمدين 2+3 يبقوا كام؟

خمسة صاح الجمهور فرصة تانية فرصة تانية


**************************************



مذيع تليفزيونى حب يثبت ان الصعايدة اذكياء فعمل برنامج مسابقات و استضاف 3 صعايدة

فسأل الاول مين اللى انتصر فى الحرب العالمية التانية الحلفاء والا المانيا النازية؟

فأجاب الحلفاء طبعا التفت الى التانى وسألة

مين اللى كسب فى اخر ماتش للفرقتين الاهلى والا الزمالك؟

فأجاب الاهلى طبعا فسأل التالت

تفهم اية من اجابة السؤالين اللى فاتو؟

افهم ان المانيا حتلاعب الزمالك على التالت و الرابع





**********************************************


مرة راجل قاعد مع واحد فسأله : شغلتك إيه ؟

فقال له: حانوتى فقال الأول:فكرتنى بالمرحومة مراتى

. فردالحانوتى: و ماتت ازاى

فقال الرجل: أبدا كنا بنهزر فى

لشقة فى الدور العشرين زقيتها وقعت فقال الحانوتى: ماتت قتيلة يعنى. فقال الرجل: لا, مهى وقعت على التندة اللى تحتينا فطارت ووقعت فى حمام سباحة

الفيلا إللى جنبنا

فقال الحانوتى: ماتت غريـــــــقة يعنى

فقال الرجل: لا

مهى إتنطتت على المنط بتاع الحمام و طارت على سلك الكهرباء العمومى على الأعمدة

فقال الحانوتى:ماتت متكهربة ؟

فقال الرجل: لا، مهو السلك كان جامد فطارت رجعلتى تانى فوق فى الشقة



فقال الحانوتى: أمال ماتت ازاى بقى ؟ فقال الرجل :زهقت بقى خنقتها
الرجوع الى أعلى الصفحة اذهب الى الأسفل
رماد الشوق
مشرفه قسم غرائب وعجائب
مشرفه قسم غرائب وعجائب
رماد الشوق


الديانة : مسلم
الدوله : فلسطين
الجنس : انثى
الابراج الابراج : الميزان
عدد المساهمات : 422
تاريخ التسجيل : 29/12/2009
المزاج : رضا من رب العالمين

اضحك من قلبك Empty
مُساهمةموضوع: رد: اضحك من قلبك   اضحك من قلبك Icon_minitime1الأربعاء مارس 03, 2010 3:48 am

ههههههههههههه يسلموا روما حلوين كتير موفق يارب
الرجوع الى أعلى الصفحة اذهب الى الأسفل
 
اضحك من قلبك
الرجوع الى أعلى الصفحة 
صفحة 1 من اصل 1
 مواضيع مماثلة
-
» استاذن قلبك
» اضحك هاهاه..ربنا يستر
» اضحك شوية‎
» كلمات تمنح قلبك الحياة
» كلمات تمنح قلبك الحياة

صلاحيات هذا المنتدى:لاتستطيع الرد على المواضيع في هذا المنتدى
negm-elgeel  :: نكت وخواطر وشعر نجم الجيل :: اضحك كركر-
انتقل الى: